برييوش بالبطاطا والزبيب

 

 المقادير

ثلاثة الزليفات الفورص المزيان.
ثلاثة البطاطات منقيين و مقطعين كبار و مسلوقين وممعوسين بالفورشيط مزيان في الماء ديالهم.
كاس السنيدة ,كأس الزبدة, نصف كاس الزيت
قبصة الملح , 4 البيضات , كاس صغير الزبيب مغسول بالماء طايب حتى يرطاب ومن بعد نرقدوه في ماء الزهر , شوية النافع أو حبة حلاوة ,خميرة الخبز على حسب الجو (معلقة الحليب غبرة اختيارية لأننا غنعجنو بالحليب)
و أخيراً حليب دافي لجمع العجين. 

الطريقة :
 
كنخلطو جميع العناصر وكنزيدو الحليب وندلكو مزيان حتى نحصلو على عجينة اسفنجية نخليوها ترتاح حتى يتضاعف الحجم ديالها ونعاودو نجمعوها ونديروها كويرات صغار نخليوهم يخمرو مرة أخرى وندهنوهم باصفر البيض ممزوج بالحليب باش يجيو كيلمعو و أخيرا نطيبوهن فى فران عالي الحرارة وبالصحة و الراحة.